Seniority list jillafer badli seniority list 2024 pdf download jillafer badli seniority list 2024 જિલ્લાફેર યાદી જિલ્લા ફેર બદલી કેમ્પ

STD 5 Asspas Unit 18 have ame kya jaie

ધોરણ ૫ આસપાસ સેમ ૨ એકમ 18 હવે અમે ક્યા જઈએ

1. લોકો ગામ છોડીને શહેર તરફ શા માટે જતા હોય છે?

ઉત્તર : લોકો કામની શોધમાં અને શહેરી જીવન વિશેની વાતો સાંભળીને તેનાથી અંજાઈ જાય છે . આથી પોતાનું ગામ છોડીને શહેરમાં જાય છે .

2. ગામથી આવેલા લોકોને શહેરમાં સરળતાથી કામ - ધંધો મળી રહે છે. (√ કે X)
ઉત્તર : X

3. ગામ છોડીને શહેરમાં આવેલા લોકોને શરૂઆતમાં કઈ કઈ મુશ્કેલીઓ પડે છે ?
ઉત્તર : ગામ છોડીને શહેરમાં આવેલા લોકોને શરૂઆતમાં રહેવાની, કામ મેળવવાની, ખોરાક - પાણીની અને કેટલીક વખત ભાષાની(બોલીની/ વાતચીતની) તકલીફ પડે છે.

4. અનુજભાઈ ___ગામથી મુંબઈ આવ્યા હતા.
ઉત્તર : સિંદૂરી

5. અનુજભાઈએ મુંબઈમાં કર્યું કામ કરવાનું શરૂ કર્યું હતું ? 

ઉત્તર : D
(A) શાક વેચવાનું

(B) માછલી પકડવાનું
(C) માછલી વેચવાનું

(D) માછલાંની જાળ સાંધવાનું

6. અનુજભાઈને તેમના કામથી મળતા પૈસા જીવન જીવવા પૂરતા હતા .(√ કે X )
ઉત્તર : X

7. અનુજભાઈએ તેમની કમાણીમાંથી શેના પૈસા ચૂકવવા પડતા હતા ?
ઉત્તર : અનુજભાઈએ તેમની કમાણીમાંથી દવાના, ખાવાના, શાળાની ફીના, ઘરના ભાડાના તથા પાણીના પૈસા ચૂકવવા પડતા હતા.

8. લોકોની ભીડમાં પણ અનુજને શાથી એકલું લાગતું હતું ? 

ઉત્તર : અનુજનો દિવસ તો કામ કરવામાં જતો રહેતો પણ રાત્રે તેને જૂનું ગામ , ત્યાંના લોકો , ત્યાંનું જીવન યાદ આવતું હતું . અહીં તેની સાથે વાત કરવા માટે તેમાંથી કોઈ ન હતું, એટલે તેને ભીડમાં પણ એકલું લાગતું હતું.

9. પોતાની જગ્યા છોડીને દૂર બીજે નવી જગ્યાએ રહેવા જવામાં કઈ કઈ મુશ્કેલીઓનો સામનો કરવો પડે છે ?
ઉત્તર : હોતોની જગ્યા છોડીને દૂર બીજે નવી જગ્યાએ રહેવા જવામાં ઘણી બધી મુશ્કેલીઓનો સામનો કરવો પડે છે. જેમ કે રહેવા માટે યોગ્ય મકાન શોધવું, નવેસરથી કામ - ધંધો કે નોકરી શોધવી , જીવન જરૂરિયાતની ચીજવસ્તુઓ જેવી કે દૂધ, કરિયાણું, પાણી વગેરે મેળવવાની, જૂના મિત્રો છોડી નવા મિત્રો બનાવવાની, નવા લોકો સાથે વાત - ચીતની આપ - લે કરવાની વગેરે મુશ્કેલીઓનો સામનો કરવો પડે છે.

10. અનુજના કુટુંબ જેવા લોકોએ શા માટે મોટા શહેરમાં આવવું પડે છે?
ઉત્તર : અનુજના કુટુંબ જેવા લોકોએ રોજગારી મેળવવા અને બાળકોને યોગ્ય શાળાકીય શિયાળા મળે તે માટે શહેરમાં આવવું પડે છે.

11. અનુજનો જન્મ ___ગામમાં થયો હતો.
ઉત્તર : ખેડી

12. ખેડી ગામના કુદરતી વાતાવરણ વિશે જણાવો.
ઉત્તર : ખેડી ગામ લીલાં જંગલો અને પર્વતો વચ્ચે આવેલું હતું. ત્યાં શાંતિ હતી. પણ મૌન ન હતું. ત્યાં વહેતી નદીઓનો ખળખળ અવાજ, વૃક્ષોના પાંદડાંઓનો ખખડાટ અને પક્ષીઓના કલરવ જેવા નાનંદદાયક અવાજો હતા. 

13. શહેરમાં કયો ઘોંઘાટ હોય છે ?
ઉત્તર : શહેરમાં વાહનોની અવર - જવરનો , કારખાનાંનાં મશીનોનો, વાહનોના હોર્નનો, મિલોનાં ભૂંગળાંઓનો, જાહેરાતોનાં લાઉડસ્પિકરો વગેરેના અવાજોનો ઘોંઘાટ હોય છે.

14. ખેડી ગામના લોકો કઈ કઈ પ્રવૃત્તિઓ કરતા હતા ? 

ઉત્તર : ખેડી ગામના લોકો ખેતી કરતા, નજીકના જંગલમાં જતા, સાથે વાતો કરતા અને ગીતો ગાતા. તેમજ જંગલી ફળ, મૂળ, અને સુકા લાકડાં એકઠાં કરતાં. પોતાના ઉપયોગ માટે જંગલમાંથી વસ્તુઓ એકઠી કરતા. કેટલીક વસ્તુઓને નદીની પેલે પાર મોટા નગરમાં વેચી આવતા વગેરે પ્રવૃત્તિઓ ક૨તા હતા.

15. ગામના બાળકો વડીલો પાસેથી શું શું શીખતા હતા ? 

ઉત્તર : વડીલો જોડે કામ કરતાં કરતાં બાળકો તેમની પાસેથી નૃત્ય કરતા, વાંસળી અને ઢોલ વગાડતા, માટીના અને વાંસના ઘડા બનાવતા, પક્ષીઓને ઓળખતા અને તેમના અવાજની નકલ કરવાનું શીખતા હતા.

16. વડીલો બાળકોને નીચેનામાંથી કયું કામ શીખવતા હતા ? 

ઉત્તર : A
(A) વાંસળી વગાડવાનું 

(B) જોડાં બનાવવાનું
(C) શિકાર કરવાનું 

(D) આપેલ તમામ

17. ખેડી ગામના લોકો પૈસાથી નીચેનામાંથી કઈ વસ્તુ ખરીદતા ન હતા ? 

ઉત્તર : C
(A) મીઠું 

(B) અનાજ 

(C) ફળો (D) કપડાં

18. ખેડી ગામના લોકો પૈસાથી શું ખરીદતા હતા ?
ઉત્તર : ખેડી ગામના લોકો પૈસાથી મીઠું, તેલ, ચોખા અને ક્યારેક થોડાં કપડાં ખરીદતા હતા.

19. ખેડી ગામના લોકો કેવી રીતે રહેતા હતા ?
ઉત્તર : ખેડી ગામના લોકો એક મોટા પરિવારની જેમ રહેતા હતા. સારા અને ખરાબ સમયમાં લોકો એકબીજાને મદદ કરતા હતાં. વડીલો લગ્ન ગોઠવતા અને ગામના ઝધડા ઉકેલતા હતા.

20. યુવાન થતાં અનુજ કયાં કયાં કામ કરવા લાગ્યો ? 

ઉત્તર : યુવાન થતાં અનુજ ખેતરમાં સખત મહેનત કરતો અને મોટી નદીમાંથી માછલાં પકડતો. તે અને તેના મિત્રો જંગલમાંથી ફળ, મૂળ અને ઔષધિય વનસ્પતિ તેમજ માછલીઓ વગેરે લઈને નગરમાં વેચવા જતા હતા.

👉 દરેક પ્રશ્ન માટે તમારી પાસે 30સેકંડનો સમય હશે.
👉છેલ્લે તમારું સર્ટીફીકેટ જનરેટ થશે જેનો સ્ક્રીનશોટ લઇ શેર શકશો.

નીચેના બોક્સમાં તમારું નામ લાખો

સમય સમાપ્ત

સ્કોર:

QUIZ CERTIFICATE

This is to Certify that Ms. . Has attended ધધોરણ ૫ આસપાસ સેમ ૨ એકમ 18 હવે અમે ક્યા જઈએ exam on //.

Total Question of exam : .
Attempted Question:
Correct answers:
Wrong Answer :
Total obtained percentage is .
Over all result is
શેર કરો

21. ખેડી ગામના લોકો સંપીને રહેતા હતા. (√ કે X )
ઉત્તર : √

22. અનુજે શીખેલી કઈ કઈ વાતો તેને મુંબઈમાં કામ આવશે ?
ઉત્તર : માછલી પકડવી, ઢોલ અને વાંસળી વગાડવી, ગીત ગાવું કે નૃત્ય કરવું વગેરે જેવાં કામ અનુજને મુંબઈમાં રોજગારી મેળવવા માટે કામમાં લાગશે.

23. ખેડી ગામના લોકોને શા માટે તેમનું ગામ છોડવું પડ્યું હતું. 

ઉત્તર : C
(A) પૂરના કારણે 

(B) દાવાનળને કારણે
(C) બંધ નિમણિને કારણે

(D) ધરતીકંપને કારણે

24. કારણ આપો : બંધ નિર્માણને કારણે ઘણા લોકોએ પોતાનું ગામ છોડી કાયમ માટે બીજે સ્થળાંતર કરવું પડે છે . 

ઉત્તર : બંધ નિર્માણ માટે વિશાળ જમીનની જરૂર પડે છે . વળી બંધને લીધે નદીના પ્રવાહમાં મોટી દીવાલ બાંધી પાણીને રોકવામાં આવે છે જેથી ત્યાં એકઠા થતા પાણીમાં ઘણાં ગામ ડુબી જાય તેમ હોવાથી બંધ નિર્માણની આસપાસના લોકોને કાયમી સ્થળાંતર કરવું પડે છે .

25. બંધ બાંધવા માટે શું કરવામાં આવે છે ?
ઉત્તર : બંધ બાંધવા માટે નદીનો પ્રવાહ રોકવા મોટી દીવાલ બનાવવામાં આવે છે.

26. ખેડી ગામના લોકોએ શું શું છોડીને જવું પડશે ?
ઉત્તર : ખેડી ગામના લોકોએ પોતાનાં ઘર , ખેત૨ , જમીન વગેરે છોડીને જવું પડશે .

27. ખેડી ગામમાં પોલીસ સાથે કોણ આવ્યું હતું ?
ઉત્તર : B
(A) રાજનેતા 

(B) સરકારી કર્મચારીઓ
(C) ઈજનેર્ગ 

(D) ડૉક્ટરો

28. સરકારી કર્મચારીઓએ કઈ કઈ જગ્યાનું માપ લીધું ? 

ઉત્તર : સરકારી કર્મચારીઓ નદી, ખેતરો, જંગલો અને ઘરોની લંબાઈ અને પહોળાઈનું માપ લીધું.

29. સરકારી કર્મચારીઓ ગામના આગેવાનો અને વડીલોની સભા બોલાવી. (√ કે X) 

ઉત્તર : √

30. સરકારી કર્મચારીઓએ સભામાં લોકોને શું જણાવ્યું ? 

ઉત્તર : સરકારી કર્મચારીઓએ સભામાં લોકોને કહ્યું કે, "નદીકિનારા પાસેનાં ગામોને ખસેડવાં પડશે. જે લોકો પાસે ખેડીમાં જમીન છે. તેઓને નદીની પેલે પાર દૂર જગ્યા આપવામાં આવશે. તેઓને માટે શાળા, વીજળી, હોસ્પિટલ, બસ, ટ્રેન વગેરેની વ્યવસ્થા થશે. તેઓ પાસે તે બધું જ હશે જે તેઓએ ખેડીમાં સ્વપ્નમાં પણ વિચાર્યું નહોતું.”

31. અનુજના ગામના ઘણા લોકો તેમની જમીન અને જંગલ છોડી જવા માટે સહમત ન હતા ? કેમ ?
ઉત્તર : અનુજના ગામના ઘણા લોકો તેમની જમીન અને જંગલ છોડી જવા માટે સહમત ન હતા, કારણ કે જે ગામ તથા જંગલમાં તેઓ બાળપણથી રહે છે, રમે છે, મોટા થયા છે, તે ગામ પ્રત્યે તેમને પ્રેમ છે, લગાવ છે. તેમના બાપદાદાઓની યાદો છે. આ બધું છોડીને તેમને જવું ને હતું.

32. ઇચ્છા ન હોવા છતાં અનુજના ગામલોકોને ગામ કેમ છોડવું પડ્યું?
ઉત્તર : બંધ નિર્માણનું કાર્ય સરકારનો નિર્ણય હતો. ઘણી સરકારી યોજના ઓ માટે સરકારને જમીન જોઈતી હોય છે. સરકાર આ માટે તેનું વળતર પણ ચૂકવે છે. આથી, રરકારના હુકમને કારણે ઈચ્છા ન હોવા છતાં અનુજના ગામલોકોને ગામ છોડવું પડ્યું.

33. અનુજ નવા ગામમાં જવા માટે કઈ બાબતે ઉત્તેજિત હતો ?
ઉત્તર : અનુજ વિચારતો હતો કે લગ્ન પછી તે તેની પત્નીને નવા ગામના નવા ઘરમાં લઈ જશે. એવું ઘર જ્યાં તે ફ્ક્ત એક બટન દબાવશે ને અજવાળું થશે અને નળ ખોલશે ને પાણી આવી જશે. તે શહેરમાં ફરવા અને નવી જગ્યાઓ જોવા બસમાં જઈ શકશે. જ્યારે બાળકો હશે ત્યારે તે તેઓને શાળાએ મોકલશે. તેઓ તેના જેવા અભણ નહિ રહે. આ વિચારીને તે નવા ગામમાં જવા માટે ઉત્તેજિત હતો.

34. જયાં બંધ બનાવવામાં આવતો હોય ત્યાં લોકોને કેવી મુશ્કેલીઓનો સામનો કરવો પડતો હશે ?
ઉત્તર : જયાં બંધ બનાવવામાં આવતો હોય ત્યાંના લોકોને આ મુજબની મુશ્કેલીઓનો સામનો કરવો પડતો હશે :    (1) ત્યાં લોકોનાં ખેતરો અને ઘરો પાણીમાં ડૂબમાં જશે. 

          (2) તેમની આજીવિકાનું સાધન છીનવાઈ જશે. 

          (3) ત્યાંના લોકોએ સ્થળાંતર કરવું પડશે. 

          (4) પોતાનું ગામ છોડીને બીજી જગ્યાઓ પર જઈને વસવાટ કરવો પડશે. 

          (5) નવેસરથી ઘર બનાવવું પડશે , રોજગારી શોધવી પડશે વગેરે. 

35. અનુજના પરિવારને રહેવા માટે નવી જગ્યા ____ ગામમાં મળી હતી .
ઉત્તર : સિંદૂરી

36. સિંદૂરી ગામ ખેડી જેવું જ હતું . (√કેX)
ઉત્તર : X

37. અનુજ સિંદૂરી ગામમાં ખૂશ નહોતો . (√કે X )
ઉત્તર : √

38. સિંદૂરી ગામ વિશે નોંધ લખો.
ઉત્તર : સિંદૂરી ગામમાં પાકા રસ્તા હતા. પણ ઉનાળાના બળતા તાપમાં છાંયડો આપે તેવું એક પણ વૃક્ષ ન હતું. થોડાં ઘરો અને દુકાનો હતાં. તે પણ છૂટા છવાયાં. વીજળી તો હતી પણ દિવસમાં થોડો સમય જ રહેતી. નળ હતો પણ તેમાં પાણી નહોતું આવતું. હોસ્પિટલ હતી પણ તેમાં ડૉક્ટર અને દવાની પૂરી સગવડ ન હતી. શાળા હતી પણ મહેનતુ શિક્ષકો નહોતા.

39. અનુજને સિંદૂરી અને તેના સ્વપ્નના ગામ વચ્ચે શું તફાવત જોવા મળ્યો ?
ઉત્તર : અનુજના સ્વપ્નના ગામમાં વીજળી હોય તેવું ઘર, નળ ખોલતાં જ પાણી મળે, બસની સુવિધા, હોસ્પિટલ અને સારી શાળા – આ બધું જ જતું . જયારે સિંદૂરી ગામમાં વીજળી તો હતી પરંતુ થોડોક જ સમય રહેતી, વળી તેનું બિલ પણ ચૂકવવું પડતું, નળ હતા પણ નળમાંથી પાણી આવતું ન હતું. પ્રાણીઓને રાખવાની જગ્યા ન હતી. હોસ્પિટલ હતી પરંતુ ડોક્ટર મળવા મુશ્કેલ હતા. શાળા હતી પરંતુ શિક્ષકો ખેડી ગામની શાળાના શિક્ષકો જવા ન હતા. 

40. સિંદૂરી ગામના લોકો ખેડી ગામથી આવેલા લોકો સાથે કેવો વ્યવહાર કરતા હતા ?
ઉત્તર : સિંદુરી ગામના લોકો ખેડી ગામથી આવેલા લોકોનું સ્વાગત કરતા ન હતા. તેમની ભાષા અને રહેણીકરણી જુદાં હતાં. તેઓ ખેડીથી આવેલા લોકોને 'વણનોતર્યા મહેમાન' કહીને તેમની મજાક ઉડાવતા હતાં.

41. સરકાર દ્વારા અનુજને સિંદૂરી ગામમાં કેવું મકાન અને જમીન આપવામાં આવી હતી ?
ઉત્તર : સરકાર દ્વારા અનુજને પતરાંના છાપરાવાળી એક જ રૂમ મળી હતી. તેમાં પ્રાણીઓ રાખવાની જગ્યા ન હતી. તેને જમીનનો નાનો ટુકડો પણ મળ્યો હતો. પરંતુ તે ખેતીલાયક ન હતો. તે ખડકો અને પથ્થરોથી ભરેલો હતો. સખત મહેનત કરવા છતાં પણ ખેતરમાં વધુ ઉગાડી શકતા ન હતા.

47. સિંદૂરી ગામમાં અનુજ શાથી ખુશ ન હતો ?
ઉત્તર : સિંદૂરી ગામમાં અનુજને એક પતરાંવાળી રૂમ મળી હતી. જેમાં પ્રાણીઓને રહેવાની વ્યવસ્થા ન હતી. ગરમીમાં તે ભઠ્ઠી જેવું ગરમ થઈ જતું હતું. અહીં દરેક વસ્તુ માટે પૈસા ખરચવા પડતા હતા. તે અને તેનું કુટુંબ સખત મહેનત કરતા તો પણ તેને મળેલી જમીનમાં વધુ ઉગાડી શકતા ન હતા. બિયારણ અને ખાતર લાવવાના પણ પૂરતા પૈસા ભેગા નહોતા કરી શકતા. અહીંના લોકો તેમને ‘વણનોતયાં મહેમાન' કહીને તેમની મજાક ઉડાવતા હતા. બીમાર પડે તો દવા પણ સરળતાથી નહોતી મળતી. આમ, આનાથી  ઘણી બધી તકલીફો હતી. અને તે સમયે તેની સાથે તેનું પોતાનું કહી શકાય તેવું કોઈ નહોતું. આથી તે સિંદુરી ગામમાં ખુશ ન હતો.

48. અનુજે સિંદૂરી ગામ છોડીને ક્યાં જવાનો વિચાર કર્યો?
ઉત્તર : B
(A) અમદાવાદ

(B) મુંબઈ

(C) મદ્રાસ

(D) દિલ્લી

49. અનુજના ખેડી ગામની જગ્યાએ શુ હતું?

ઉત્તર : D
(A) બંધ

(B) મોટું તળાવ

(C) રેલવે

(D) A અને B બંને

50. અનુજે મુંબઈ જવા માટે શું તૈયારી કરી ?
ઉત્તર : અનુજે મુંબઈ જવા માટે તેની જમીન અને પશુઓ વેચી દીધા .

51. અનુજના જીવનનું એક માત્ર સ્વપ્ન શું હતું ?
ઉત્તર : અનુજના જીવનનું એક માત્ર સ્વપ્ન હતું કે, "તેના બાળકોને શાળાએ મોકલવા, તેમને સારું ભવિષ્ય, સારું જીવન આપવું."

52. અનુજે શા માટે પૈસા બચાવવાનું શરૂ કર્યું હતું ?
ઉત્તર : D
(A) દીકરીના લગ્ન માટે 

(B) દીકરાનો ભણતર માટે
(C) નવું મકાન લેવા માટે

(D) ઝૂંપડાના સમારકામ માટે

53. અનુજે વિચાર્યું હતું તે પ્રમાણે જ મુંબઈ હતું. (√કેX)
ઉત્તર : X

54. અનુજભાઈના બાળકો મુંબઈમાં કેવા પ્રકારની શાળામાં જતા હશે ?
ઉત્તર : અનુજભાઈના બાળકો મુંબઈમાં નગરનિગમ દ્વારા ચલાવવામાં આવતી સરકારી શાળામાં જતા હશે.

55. તમે ક્યારેય શહેરની ઝૂંપડપટ્ટી ખસેડાઈ હોય એવું વાંચ્યું કે સાંભળ્યું છે ? આ વિશે તમને કેવું લાગ્યું ? 

ઉત્તર : હા, અમારી નજીક જ એક વિસ્તારમાં ઝૂંપડપટ્ટીને નવો રોડ બનાવવા તથા જૂના રોડને પહોળો કરવા માટે હટાવવામાં આવી હતી. ત્યારે આ જાણીને ખૂબ દુ:ખૂ થયું હતું. તેઓને સરકાર દ્વારા બીજી જગ્યાએ મકાનો તો આપવામાં આવ્યાં હતાં, પણ તેઓની રોજી–રોટી છીનવાઈ ગઈ હતી. તેઓને નવેસરથી રોજી-રોટી માટે કામ શોધવા નીકળવું પડતું હતું. આ બધું જાણીને ખૂબ દુ:ખ થયું. 

56. લોકોને નોકરીમાં બદલી થતાં એક જગ્યાએથી બીજી જગ્યાએ સ્થળાંતર કરવું પડે ત્યારે તેમને કઈ મુશ્કેલીઓ પડે છે ?
ઉત્તર : નોકરીમાં બદલી થતાં એક જગ્યાએથી બીજી જગ્યાએ સ્થળાંતર કરવું પડે ત્યારે નવા વાતાવરણમાં સમન્વય સાધવાની, બાળકો માટે નવી શાળા શોધવાની, જીવનજરૂરી ચીજવસ્તુઓ ખરીદવાની તથા પરિવારને રહેવાલાયક યોગ્ય વસવાટ શોધવાની વગેરે જેવી મુશ્કેલીઓ પડે છે.

57. વિસ્થાપિતો એટલે શું ?
ઉત્તર : બંધ નિર્માણ કે માર્ગ નિર્માણ કે અન્ય કોઈ કારણસર સરકાર ચોક્કસ જગ્યાએ રહેતા લોકોની જગ્યા લઈને તેઓને જુદા જુદા વિસ્તારમાં આશ્રય અને અન્ય સુવિધાઓ તથા વળતર પૂરું પાડે છે . આવા સામૂહિક સ્થળાંતર પામતા લોકોને વિસ્થાપિતો કહે છે.

58. "શહેરના લોકો કચરો પેદા કરતા નથી. શહેરો ઝૂંપડપટ્ટીના કારણે ગંદાં છે ” આ વિધાન સાચું છે કે ખોટું ? કારણ આપો.
ઉત્તર : આ વિધાન કેટલેક અંશે ખોટું અને કેટલેક અંશે ખરું છે. શહેરના લોકો કચરો પેદા કરે છે. તેમાંથી કેટલાક લોકો કચરાનો યોગ્ય નિકાલ કરે છે. જયારે કેટલાક લોકો કચરો રસ્તા પર નાખીને શહેરને ગંદુ કરે છે. એ જ રીતે બધી ઝૂંપડપટ્ટી ગંદી હોતી નથી. પણ ગીચતા અને સગવડના અભાવે ત્યાં ગંદકી થાય છે, પણ જો લોકો જાગૃત હોય તો તે પોતાના વિસ્તારને ચોખ્ખો રાખે છે. આથી, માત્ર ઝૂંપડપટ્ટીને લીધે શહેરો ગંદા છે એ કહેવું ખોટું છે.